ថ្ងៃពុធ ទី២ ខែឧសភា ឆ្នាំ២០១២ ម៉ោង ០៩:២០
កោះសន្តិភាព
ទិដ្ឋភាពក្នុងពិធី
រាជធានីភ្នំពេញ ថ្ងៃទី២៧ មេសា ២០១២ ៖ ក្រុមហ៊ុនបណ្តាញទូរស័ព្ទចល័តដែលនាំមុខគេនៅកម្ពុជា Beeline បានប្រគល់រង្វាន់ជូនអតិថិជនដែលមានសំណាងពីការចាប់រង្វាន់ នៃកម្មវិធី «ប្រើកាន់តែយូរឈ្នះកាន់តែច្រើន» សម្រាប់សប្តាហ៍ទី៤ ដែលបានធ្វើឡើងកាលពីថ្ងៃទី១៩ មេសា ២០១២ ។
ការផ្តល់ជូនពិសេសនេះ គឺអនុញ្ញាតឱ្យគ្រប់អតិថិជនទូទាំងប្រទេសកម្ពុជា ដែលបានប្រើប្រព័ន្ធទូរស័ព្ទ Beeline ចាប់ពី២ខែឡើងទៅដែលបានបញ្ចូលទឹកប្រាក់ចាប់ពី១ដុល្លារ ឬច្រើនជាងនេះដើម្បីមានឱកាសឈ្នះរង្វាន់ប្រាក់ សុទ្ធជាច្រើនលានរៀល ក្នុងអំឡុងពេល៥សប្តាហ៍ ។ ជាងនេះទៅទៀតដើម្បីអបអរសាទរ ខួបគម្រប់៣ឆ្នាំរបស់ក្រុមហ៊ុនបណ្តាញទូរស័ព្ទចល័ត Beeline ធ្វើការបន្ថែមរង្វាន់ចំនួន២៥០លានរៀលទៀតដល់អតិថិជនដែលតែងតែ គាំទ្រដល់ក្រុមហ៊ុន Beeline ។
គួររំលឹកថា រហូតមកដល់ពេលនេះ មានអតិថិជនមានសំណាងប្រមាណ៧៧រូប ហើយដែលបានឈ្នះរង្វាន់ពីកម្មវិធី «ប្រើកាន់តែយូរ ឈ្នះកាន់តែច្រើន» នេះ ។ រង្វាន់ជាប្រាក់សុទ្ធសម្រាប់សប្តាហ៍ទី៤ រួមមាន ១លានរៀល, ៥លានរៀល និង១០លានរៀល បានទៅលើអតិថិជនជាច្រើនរូប ។
លោក ស៊ឹម សារិត ជាបុគ្គលិកក្រុមហ៊ុនមួយរូបដែលរស់នៅក្នុងសង្កាត់ចាក់អង្រែក្រោ ម ខណ្ឌមានជ័យ រាជធានីភ្នំពេញ និងជាម្ចាស់ទូរស័ព្ទលេខ ០៩០ ៣៣៣ ៤៣៥ ជាអ្នកឈ្នះ រង្វាន់ប្រាក់សុទ្ធចំនួន១០លានរៀល ។ លោកបានសម្តែងពីអារម្មណ៍រំភើបត្រេកអររបស់ខ្លួនថា «នៅល្ងាចដែលចាប់រង្វាន់ និងនៅថ្ងៃបន្ទាប់នោះមួយថ្ងៃ មានអ្នកដែលខ្ញុំមិនស្គាល់ជាច្រើននាក់បានទូរស័ព្ទមកប្រាប់ ខ្ញុំថា ខ្ញុំបានឈ្នះប្រាក់១០លានរៀលពី Beeline។
ការចាប់រង្វាន់លើកទី៥ នាថ្ងៃទី២៧ មេសានិងលើកទី៦ នៅថ្ងៃទី៤ ឧសភា ២០១២ ខាងមុខនេះ នឹងធ្វើការផ្សាយបន្តផ្ទាល់ពីស្ថានីយទូរទស្សន៍បាយ័ន វេលាម៉ោង៧និង៣០នាទីយប់ ៕
No comments:
Post a Comment