ថ្ងៃសៅរ៏ ទី៥ ខែឧសភា ឆ្នាំ២០១២ ម៉ោង ១៣:៣៥
ទិដ្ឋភាពនៅក្នុងពិធីផ្តល់អំណោយ
រាជធានីភ្នំពេញ ៖ ក្រុមហ៊ុន NCX Honda បានរួមសហការជាមួយហាងលក់មូ៉តូហុងដាវណ្ណ សឺុហេង ស្ថាបនាទីលានដងទង់ជាតិដោយក្រាលការ៉ូឡា ជួសជុលអណ្តូងទឹក ផ្តល់តុគ្រូចំនួន២ និងទូដាក់ឯកសារចំនួន៦ ជូនដល់សាលាបឋមសិក្សាវត្តព្រះពុទ្ធ ។ ពិធីប្រគល់ជាផ្លូវការត្រូវបានប្រារព្ធធ្វើឡើងកាល ពីថ្ងៃទី៤ ឧសភា នៅសាលាបឋមសិក្សាវត្តព្រះពុទ្ធ ក្រោមអធិបតីភាពលោកបណ្ឌិត ខាន់ឆៃ គៀស្រ៊ីផាណាកន ប្រធានក្រុមហ៊ុន NCX Honda ។
ក្នុងឱកាសនោះ លោកបណ្ឌិត ខាន់ឆៃ គៀស្រ៊ីផាណាកន បានថ្លែងថា ក្រុមហ៊ុន NCX Honda គឺជាក្រុមហ៊ុនមួយនាំចូលផ្តាច់មុខនូវផលិតផលម៉ូតូ មា៉កហុងដា ដែលកំពុងមានការពេញនិយមពីសំណាក់អតិថិជនអ្នកប្រើប្រាស់ ។ ក្រុមហ៊ុនបាននិងកំពុងនាំចូលនូវម៉ូតូម៉ូដែលថ្មីៗ ដែលកាន់តែទាន់សម័យដូចជា Dream 125, Wave, I-cone, Scoopy I ជាពិសេសក្នុងឆ្នាំ២០១២ នេះ ក្រុមហ៊ុនបន្តនាំចូលម៉ូតូដែលមានបច្ចេកវិទ្យាជឿនលឿន បំពាក់ដោយប្រព័ន្ធប្រើប៊ិចមកកាន់ទីផ្សារប្រទេសកម្ពុជា គឺ Dream F1 ។ រហូតមកដល់ពេលនេះ ក្រុមហ៊ុនបានពង្រីកបណ្តាញសាខាចែកចាយ រហូតដល់៣៤សាខាហើយនៅទូទាំងព្រះរាជាណាចក្រកម្ពុជាយើង ។
លោកខាន់ឆៃគៀស្រ៊ីផាណាកន បានបញ្ជាក់ថា ទន្ទឹមនឹងការរីកចម្រើននៃអាជីវកម្មរបស់ខ្លួន ក្រុមហ៊ុន NCX Honda បានចូលរួមចំណែកក្នុងសកម្មភាពសង្គមជាច្រើន ។ ជាក់ស្តែងនៅខែមេសា ឆ្នាំ២០០៨ ក្រុមហ៊ុនបានបង្កើតសាលាបង្រៀនបើកបរទោចក្រយានយន្ត ដើម្បីបង្រៀនប្រជាពលរដ្ឋដោយមិនគិតថ្លៃ ដើម្បីឱ្យយល់ដឹងអំពីសុវត្ថិភាពក្នុងការបើកបរ និងច្បាប់ចរាចរណ៍ ព្រោះថាគ្រោះថ្នាក់ចរាចរណ៍បានបង្កបញ្ហា មិនត្រឹមតែជនរងគ្រោះ និងគ្រួសាររបស់ពួកគេប៉ុណ្ណោះទេ ប៉ុន្តែថែមទាំងជាឧបសគ្គដែលបាននិងកំពុងជះឥទ្ធិពលដល់នយោ បាយសេដ្ឋកិច្ច និងយុទ្ធសាស្ត្រកាត់បន្ថយភាពក្រីក្ររបស់រាជរដ្ឋាភិបាលថែម ទៀត ។ មានសិក្ខាកាមចំនួន១៤.៧០២នាក់ ហើយបានទទួលការអប់រំស្តីពីសុវត្ថិភាពក្នុងការបើក បរ និងច្បាប់ចរាចរណ៍នៅសាលាបង្រៀនបើកបរម៉ូតូ NCX Honda និងនៅតាមសាលារៀន ក្រុមហ៊ុន ព្រមទាំងអង្គការនានា ។ ក្រៅពីការអប់រំដល់មនុស្សពេញវ័យ ក្រុមហ៊ុន ក៏បានបង្កើតនូវកម្មវិធីសុវត្ថិភាពចរាចរណ៍សម្រាប់កុមារ ដោយបានចុះទៅបង្រៀនណែនាំដល់កុមារដែលសិក្សានៅថ្នាក់ ទី៥ និងទី៦ ឱ្យយល់ដឹងពីសុវត្ថិភាពចរាចរណ៍តាំងពីវ័យក្មេង ៕
No comments:
Post a Comment