ថ្ងៃសៅរ៏ ទី៥ ខែឧសភា ឆ្នាំ២០១២ ម៉ោង ១៣:២០
រាជធានីភ្នំពេញ ៖ កាលពីថ្ងៃទី៣ ឧសភា ក្រុមហ៊ុន OSIM បានរៀបចំពិធីសម្ពោធជាផ្លូវការនិងដាក់លក់បញ្ចុះតម្លៃ ផលិតផលរបស់ខ្លួន ដើម្បីអបអរដល់ថ្ងៃសម្ពោធនេះផងដែរ ។ ផលិតផលទាំងនោះមានដូចជា កៅអីម៉ាស្សា ឧបករណ៍ម៉ាស្សាជើង ឧបករណ៍ម៉ាស្សាស្មា កៅអីម៉ាស្សាចល័ត ខ្សែក្រវាត់សម្រករាង និងឧបករណ៍ជាច្រើនមុខទៀត ។
អូស៊ីម (OSIM) គឺជាក្រុមហ៊ុនដែលឈានមុខគេ ម៉ាកផលិតផលសម្រាប់ថែទាំសុខភាព ។ អូស៊ីម មានបទពិសោធន៍ជាង២៨ឆ្នាំ និងមានឆន្ទៈក្នុងការច្នៃផលិតឧបករណ៍សម្រាប់ថែទាំសុខភាព តាមរបៀបរស់នៅដែលមានការទុកចិត្ត ។ អូស៊ីម គឺជាក្រុមហ៊ុនដែលលោកអ្នកអាចទុកចិត្តបានចំពោះការថែទាំ សុខភាព និងសុខុមាលភាព ។ យើងមានផលិតផលជាង១០០ប្រភេទ ដែលក្តោបទៅលើកត្តា៤យ៉ាង គឺសុខភាព អនាម័យ ចំណីអាហារបំប៉នសុខភាព និងការហាត់ប្រាណ ។ អូស៊ីម មានអ្វីៗទាំងអស់ក្នុងការធ្វើឱ្យលោកអ្នកកាន់តែមានសុខ ភាពល្អ និងកាន់តែរីករាយ ។
បច្ចុប្បន្ននេះ អូស៊ីម កំពុងប្រតិបត្តិការការលក់ដ៏ទូលំទូលាយតាមបណ្តាញទីផ្សារ ជាង១.៣០០កន្លែង ក្នុងបណ្តាទីក្រុងជាង៣៦០ និងជាង៣០ប្រទេសនៅក្នុងតំបន់អាស៊ី អូស្ត្រាលី អាហ្វ្រិក មជ្ឈិមបូព៌ា ចក្រភពអង់គ្លេស និងអាមេរិកខាងជើង ។ ឥឡូវនេះ អូស៊ីម បានមានវត្តមាននៅក្នុងប្រទេសកម្ពុជាយើងហើយ ដែលមានទីតាំងស្ថិតនៅផ្ទះលេខ១១៦A មហាវិថីព្រះសីហនុ សង្កាត់បឹងកេងកង១ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ៕
No comments:
Post a Comment